Maria Lai, Legarsi alla montagna, Ulassai 1981
Ite nan sas mamas cando lis dan a pappare
Ite contana sos babbos cando lis dana dinare
In cale domo jocat
In cale domo brigat
In cale domo ammorat
In cale domo naschit
como
sa limba?
Ite pintan sos putzones cando sun supr' 'e su nie
Ite cantan sas pitzinnas iscurzas in su mare
Ite pessat s'ammorau chi si viet chene unu vrancu
E son vetzos in istiu in cuddhos camis bodios
In cale domo morit
como
sa limba?
Ite contat a sa cria prima 'e nde la durmire
It'isperat su denotte chin sa janna già tancada
Ite pessat su manzanu si la ponet in caminu
In cale domo naschit
como
sa limba?
Solu in domo nostra si podet ischidare
e in d'unu tempus de torrare a pessare
e allughere
a l l u g h e r e
pro virmare su 'occu chene conca
chi l'est 'achende su coro
a una chisìna.
Nessun commento:
Posta un commento